Drejtuese e ekipit ZME - riintegrimi, migrimi i rregullt dhe rajonal për motive punësimi

Mirësevini në DIMAK Albania, qendra gjermane për punë, formim profesional dhe riintegrim!

Detyra ime është të krijoj kushte për të kthyerit dhe popullsinë vendase në mënyrë që ata të kenë mundësi më të mira për integrim social dhe ekonomik.

Ne ofrojmë këshillime individuale, kurse të ndryshme formimi dhe mbështetje psiko-sociale. Për më tepër, ekipi im i shkëlqyer i profesionistëve ofron informacion dhe këshillime për mundësitë për punësim sezonal dhe afatgjatë në Gjermani, për trajnime akademike dhe praktika të lidhura me studimet, si dhe për arsim dhe formim profesional.

Ne presim me kënaqësi mesazhin dhe vizitën tuaj!

Këshilltare dhe person përgjegjës për gratë dhe njerëzit në nevojë

Unë jam këshilltare për riintegrimin dhe do të gëzohesha t’ju takoja në zyrën tonë të DIMAK-ut në Tiranë ose në qendrën tonë rajonale të informacionit në Shkodër.

Për nga profesioni unë jam psikologe dhe kam punuar me grupet e pambrojtura dhe personat e kthyer, duke u përqendruar më shumë tek gratë. Na vizitoni në zyrat tona dhe më lejoni t’ju këshilloj dhe t’ju informoj se si mund të mëkëmbeni përsëri në Shqipëri.

Këshilltar për punësimin 

Si këshilltar për punësimin unë ju ndihmoj që të riintegroheni ekonomikisht në Shqipëri. Unë krijoj një ide të përgjithshme lidhur me ofertat për punësim dhe mund të propozoj masat përkatëse – varësisht nga nevojat tuaja dhe oferta në vend.  

Nëse ju nuk keni përvojë apo profesion, ne mund të informohemi së bashku për oferta të mundshme lidhur me aftësimin profesional. Vizitoni zyrat e DIMAK-ut në Shqipëri ose na telefononi në numrin e telefonit për riintegrimin, dhe unë do të jem këshilltari juaj.

Këshilltare për riintegrimin 

Ju jeni duke u përpjekur që të filloni rishtas në Shqipëri, por keni vështirësi gjatë riintegrimit? Keni nevojë për këshillim dhe përkrahje? Unë ju ofroj me kënaqësi ndihmë psikologjike, këshillim lidhur me mundësitë për punësim, aftësim profesional dhe përkrahje në karrierë, pavarësisht nëse jetoni në Gjermani dhe jeni duke planifikuar kthimin apo jeni kthyer ndërkohë në Shqipëri. 

Na vizitoni në zyrën e DIMAK-ut në Shqipëri ose na telefononi në numrin tonë të telefonit dhe unë ju këshilloj për mundësitë që keni në Shqipëri.