Unë jam Kweku dhe jetoj në Ganë. Pas diplomimit në universitet mendova fillimisht të shkoj jashtë vendit. Por me pak ndihmë pastaj gjeta një punë në Ganë. Tani thur shumë plane për të ardhmen time këtu në atdheun tim.

Kur pata përfunduar studimet bachelor në ekonomi dhe gjeografi në vitin 2017 dhe kërkoja një perspektivë profesionale, më mungonin kontaktet e nevojshme. Në një panair ndesha rastësisht ˇ“Qendrën Këshilluese Gjermano-Ganeze për Punësim, Migracion dhe Riintegrim „(Ghanaisch-Deutsches Beratungszentrum für Jobs, Migration und Reintegration, shkurt: GGC). Përmes kësaj qendre mora një ftesë në panairin për karrierë Educata Ghana në fund të vitit 2018. Ky aktivitet që zgjati tri ditë në Accra u dha mundësinë nxënëseve dhe nxënësve, studentëve dhe të punësuarve të lidhnin kontakte me ndërmarrje private dhe shtetërore si dhe me institucione arsimore. Gjatë intervistave atje pata mundësinë të bisedoja me ndërmjetës të ndryshëm të kuadrit dhe në këtë mënyrë gjeta punë si administrator në “Shoqatën Ganeze për Agjentë Imobiliarë” (Ghanas Verband der Immobilienmakler).