Kurs bazë për metale

Në Osnabryk (Osnabrück) ju mund të përfitoni njohuritë themelore lidhur me zejen e metaleve. Specialistët e Dhomës së Artizaneve dhe Zejeve ju japin mësim dhe vendosin bashkë me ju për përmbajtjen që do të ofrojë kursi. Kursi nis me një hyrje për rregullat e sigurimit teknik. Temat e tjera me karakter praktik orientohen sipas njohurive paraprake që keni ju në këtë fushë.

Për shembull:

• përpunimi dhe formësimi i metalit,
• puna me makineritë,
• sharrimi dhe puna me frezë,
• prodhimi i elementeve të vogla, për shembull i shandanit ose zgarës.

Përveç kësaj në Osnabryk (Osnabrück) ofrohen dhe këto kurse bazë:

• ndërtimtari,
• bojatisje dhe llakosje,
• parukeri dhe kozmetikë,
• punë me dru,
• teknika e punimeve sanitare, ngrohjes dhe ajrit të kondicionuar.