Përkrahje për gratë dhe vajzat
Organizata „Lady“ përkrah vajzat dhe gratë përmes ofertave të mëposhtme:
- këshillim për zhvillimin e karrierës,
- këshillim psikosocial për gratë dhe vajzat,
- këshillim për hapjen e një biznesi privat dhe këshillim i përgjithshëm lidhur me profesionin,
- trajnime dhe përgatitje për tregun e punës.
Përgatitja për tregun e punës përfshin këto module:
- sipërmarrësi,
- zejtari,
- rrobaqepësi,
- dizajnim,
- gatim dhe pjekje
Grupi i punës së organizatës „Lady“ i prezanton gjatë bisedës së parë këshilluese të gjitha modulet. Vendimi për njërin nga modulet merret së bashku dhe varësisht prej interesave dhe aftësive tuaja. Sipas nevojave ju mund të zgjidhni dhe një modul të dytë.
Përveç kësaj „Lady“ ofron edhe kurse informatike dhe kompjuteri.
Pas përfundimit të një kursi mbi bazat e informatikës ju mund të bëni një kualifikim të mëtejshëm si trajnere ose trajner.
Këto kurse janë të hapura edhe për të rinj meshkuj.