Mundësitë në Kosovë

Ju jeni duke u menduar të ktheheni në atdheun tuaj, në Kosovë? Ju jeni kthyer tashmë dhe dëshironi të ndërtoni të ardhmen tuaj? Ose jetoni në Kosovë dhe jeni duke kërkuar mundësi të reja profesionale? Në këtë faqe do të gjeni udhëzime të shumta lidhur me punësimin, shkollimin profesional, hapjen e një biznesi privat dhe shumë më tepër. “Qendra Gjermane e Informacionit për Migracion, Aftësim dhe Karrierë” (Das Deutsche Informationszentrum für Migration, Ausbildung und Karriere, DIMAK) është partneri juaj numër një dhe ju ndërmjetëson me kënaqësi ofertat që janë të përshtatshme për situatën tuaj individuale. Ju mund të shkoni atje personalisht, por edhe të kërkoni një këshillim në telefon ose me e-mail.

Këshillimi përmes qendrave tona është i hapur për të gjithë. Ai është falas dhe pa detyrim. Sipas nevojave që keni, këshilltaret dhe këshilltarët ju ndërmjetësojnë në një trajnim ose ju shoqërojnë në hapat që duhet të bëni për të përfituar përkrahje. Kërkesa për përkrahje mund të jetë e lidhur me kushte të ndryshme, p.sh. me një pagë minimale ose me përfundimin e një shkollimi të caktuar.