Skip to main content
Menyja

Integrim i shpejtë për t’u punësuar në sektorin e turizmit

Garimi në kursin e gatimit: Pjesëmarrëset dhe pjesëmarrësit e trajnimit për degën e turizmit.

Khouloud Hosni ka një përfytyrim megjithatë qartë lidhur me të ardhmen e saj. Ajo dëshiron të hapë një aktivitet privat dhe të ketë restorantin e saj. „Kjo ide më erdhi ngaqë e kam me shumë pasion gatimin“, thotë 27 vjeçarja. Ajo ka përfunduar studimet e larta për bioteknologji farmaceutike, por nuk shikon asnjë perspektivë profesionale në këtë drejtim në Tunizi. Përkundrazi ajo beson që në fushën e turizmit, e cila përpara krizës së pandemisë mbulonte rreth 400.000 vende pune në Tunizi, edhe në të ardhmen do të ketë shanse për një perspektivë konkrete punësimi, megjithë kufizimet aktuale për shkak të pandemisë së koronës. Për këtë arsye ajo merr pjesë në një trajnim katërjavor në „Centre de Formation Touristique de Nabeul“. Në shkollën profesionale të qytetit bregdetar  Nabeul, i cili ndodhet rreth 70 km larg nga kryeqyteti Tunis, përgatiten gra dhe burra për punën në gastronomi dhe hoteleri. „Falë trajnimit unë munda t’i zgjeroj njohuritë e mia“, thotë Hosni.

Trajnimet për kualifikim profesional në drejtimet kuzhinë, shërbim dhomash dhe restorant e bar i ofron „Shoqata Gjermane për Bashkëpunim Ndërkombëtar, ShPK“
(Deutsche Gesellschaft für Internationale Zusammenarbeit, GIZ) GmbH. Ato janë pjesë e programit „Perspektiva atdheu“ që ofrohet nga „Ministria Federale për Bashkëpunim Ndërkombëtar dhe Zhvillim“ (Bundesministerium für wirtschaftliche Zusammenarbeit und Entwicklung, BMZ). Kurset u drejtohen si njerëzve të cilët kthehen nga Gjermania në Tunizi dhe përfitojnë përkrahje në kuadrin e perspektivës profesionale, po ashtu edhe tunezianeve dhe tunezianëve që jetojnë këtu në Tunizi dhe janë duke kërkuar shanse të reja në tregun kombëtar të punës. „Qendra Gjermano-Tuneziane për Punësim, Migracion dhe Karrierë" (Zentrum für Jobs, Migration und Reintegration) (shkurt CTA), e cila drejtohet nga GIZ-i me porosi të BMZ-së i këshillon të dy grupimet e mësipërme lidhur me mundësitë e tyre profesionale.

Mësim duke respektuar me rreptësi rregullat për koronën

Në Hammamet,  një qytet fqinjë me Nabeul-in, pushimtarët shijojnë momentalisht temperaturat e ngrohta. Jo larg bregut të plazhit ndodhet „Institut Supérieur de Formation aux Métiers du Tourisme“ (ISFMTH), një tjetër shkollë profesionale për turizmin. Edhe këtu janë bashkë burra dhe gra që bëjnë trajnimin. Hamza Labidi është njëri prej tyre. „Unë e kam ëndërr të filloj punën në hoteleri“, thotë 21 vjeçari. Në kursin „Restoranti dhe bari“ aktualisht bëhet fjalë për dije praktike, të cilat janë të nevojshme gjatë shërbimit të gostisjes. Trajneri Mnasri Arbi rri në këmbë para dërrasës së zezë dhe shpjegon se si mund të prezantohen në mënyrë joshëse pijet.

 

Në kurse të tjera pjesëmarrëset dhe pjesëmarrësit mësojnë se si të përgatisin ëmbëlsirat ose të rregullojnë dhomat e hotelit. Më vonë ata mund t’i ushtrojnë dijet e tyre, gjithmonë duke mbajtur parasysh rregullat për mbrojtjen e shëndetit. Organizatorët u japin shumë rëndësi respektimit të rregullave si p.sh. mbajtjes së largësisë, dezinfektimit të herëpashershëm të duarve, matjes së temperaturës, si dhe mbajtjes së veshjeve mbrojtëse, në mënyrë që në kohën e pandemisë së koronës të garantohet siguria për të gjithë personat që mësojnë dhe ata që japin mësim gjatë trajnimeve.

Wael Jemai ndërkohë ka përfunduar një arsimim profesional si pastiçier dhe dëshiron të kualifikohet më tej.

Perspektiva të reja profesionale

Është megjithatë një sukses për të gjithë që kualifikimi mund të zhvillohet në këtë mënyrë në kushtet e pandemisë. „Unë i kam thelluar njohuritë e mia dhe kam tashmë shanse më të mira për të gjetur një punë“, thotë Labidi. „Dua të gjej punë patjetër, sepse momentalisht jam e papunë.“ Po kështu mendon edhe shoku i saj
Wael Jemai. 30 vjeçari vjen nga Jendouba, që ndodhet në perëndim të Tunizisë. Ai ka kryer ndërkohë një arsimim profesional për pastiçier.  Wael Jemai dëshiron të kualifikohet më tej në mënyrë që të rrisë shanset për punësim. „Qysh në fëmijëri më ka entuziazmuar gatimi dhe pastiçeria dhe dëshiroj të mësoj më shumë. Po bëj përparime dhe shpresoj që t’i vë në provë njohuritë e mia në ndonjë restorant.„ Këtë paradite në shkollën profesionale ai ka mësuar si të përgatisë brumin për picë dhe salcën e domates. Tani ai gëzohet që do ta fusë në furrë picën që ka përgatitur vetë.

Përveç Labidi-t dhe Jema-t në trajnimet që ofrojnë të dyja shkollat profesionale marrin pjesë edhe rreth 60 burra dhe gra. Qëllimi i kualifikimit profesional është që pjesëmarrëseve dhe pjesëmarrësve t’u lehtësohet përfshirja në tregun tunizian të punës. Pjesëmarrësit kanë aplikuar për një vend në programin kualifikues pranë „Qendrës Gjermano-Tuniziane CTA“. Qendra Këshilluese e GIZ-it i përzgjedh kandidatet dhe kandidatët e përshtatshëm në bashkëpunim me „Agjencinë Kombëtare për Punë“ ANETI (Agence National pour l’Emploi et le Travail Indépendant) dhe me „Shoqatën Tuniziane të Hotelerisë“ FTH (Fédération Tunisienne de l’Hôtellerie).

Nevojë urgjente për fuqi të kualifikuar punëtore

Në përfundim të kursit të gjithë pajisen me një certifikatë, e cila për disa është një garanci për të gjetur një punësim stabël. Kërkesa për personel është e lartë në shumë hotele, para së gjithash në fushën e shërbimit të dhomave. Veçanërisht pjesëmarrësit e këtij kursi, por edhe ata të drejtimeve të tjera kanë perspektivë konkrete për t’u punësuar në një nga hotelet në vend – dhe kjo me gjithë gjendjen e tensionuar të shkaktuar nga pandemia e koronës.

„Programi kualifikues u ofron të rinjve mundësinë që të zhvillojnë më tej aftësitë e tyre“, thotë Mongi Hasni, drejtor i shkollës profesionale Hammamet. „Shumica kanë një kualifikim profesional krejt të ndryshëm nga ai i hotelerisë dhe gëzohen që mund të mësojnë diçka të re. Por ne vëmë re gjithashtu, që shumë prej tyre janë të shqetësuar për situatën aktuale në tregun e punës.“ Ata nuk janë të sigurtë, nëse sektori i turizmit do ta marrë veten. Por Hasni është i bindur që ky sektor do të vazhdojë të mbetet i rëndësishëm për Tunizinë. „Dikur kriza do të jetë kapërcyer.“ Atëherë pjesëmarrëset dhe pjesëmarrësit në kualifikim janë të parapërgatitur për të ndërtuar të ardhmen e sektorit të turizmit.

Botuar më: 11/2020

Unë i kam thelluar njohuritë e mia dhe kam tashmë shanse më të mira për të gjetur një punë.
Hamza Labidi

Më shumë Përvojat