پاکستان میں مواقع

آپ پاکستان واپس جانے کا سوچ رہے ہیں؟ واپس لوٹ چکے اور اب اپنا مستقبل بنانا چاہتے ہیں ؟ یا آپ پاکستان میں رہائش پذیر ہیں اور نئے مواقعوں کی تلاش میں ہیں؟ یہ ویب سائٹ آپ کو ملازمت، تربیت اور کاروبار شروع کرنے کے حوالے سےکافی معلومات فراہم کرے گی۔ پاکستانی جرمن فیسیلیٹیشن اینڈ ری اینٹی گریشن سینٹر (پی جی ایف آر سی)آپ کے رابطوں کاپہلا مقام ہے اوریہ آپ کی انفرادی صورتحال کو سامنے رکھتے ہوئے مواقع سے آگاہ کرے گا۔آپ یہاں سے بالمشافہ مشورہ لے سکتے ہیں، اس کے ساتھ ساتھ ٹیلی فون اور ای میل پر بھی رابطہ کرسکتے ہیں۔

ہمارے مراکز کی جانب سے فراہم کردہ مشاورت سے ہر شخص مستفید ہوسکتا ہے۔ یہ بالکل مفت سہولت ہے اور اس میں کوئی پابندی نہیں۔ اس کا انحصار آپ کی ضرورتوں پر ہے،مشیران آپ کو تربیتی کورس کیلیے بھجواتے ہیں یا پھر مدد کیلیے درخواست دینے میں مدد کرتے ہیں۔اس کی کچھ شرائط ہوسکتی ہیں جیسے کہ کم سے کم عمر یا پھر کسی مخصوص ڈگری  کی قابلیت۔