ہنگامی حالات میں مدد

نوکری کی تلاش اور کاروبار کی شروعات کے حوالے سے مشورے

جرمنی میں ہیں اور پاکستان واپس جانے کے خواہشمند ہیں؟ یا آپ پاکستان میں رہتے ہیں اور نئے مواقعوں کی تلاش میں ہیں، جیسے کے نیا کاروبار شروع کرنا یاروزگار تبدیل کرنا؟ ڈوئچے گیسل شافٹ فار انٹرنیشنل زوسامینربیٹ (جی آئی زیڈ) جی ایم بی ایچ اور اوورسیز پاکستانیز فاؤنڈیشن(اوپی ایف) آپ کو انفرادی طور پر مشاورت فراہم کریں گے۔
پیشکش میں شامل ہے:

• مشاورت اگر آپ فوری نوکری کی تلاش میں ہیں
• نئے کاروبار کی شروعات میں مدد
• سماج میں جڑنے میں مدد
• نفسیاتی مدد
• قانونی صلاح

اگر ضرورت محسوس ہوئی تو مشاورتی ٹیم آپ کو ساتھی ادارے یا نوکری دلوانے والی ایجنسی بھجوائے گی۔ پاکستان میں100 سے زائد ایجنسیاں کام کررہی ہیں۔

انسانی حقوق کی ضمانت

پاکستان کی وزارت برائے انسانی حقوق جب کہیں انسانی حقوق یا محنت کشوں کے حقوق کی پامالی ہو تو مدد فراہم کرتی ہے ۔ بچوں کے حقوق کو خصوصی اہمیت دی جاتی ہے۔
وزارت انسانی حقوق وزارت خارجہ کیساتھ مل کر بین الاقوامی سطح پر انسانی حقوق کی پامالیوں پر بھی قانونی چارہ جوئی کرتی ہے ۔۔

قانونی معاملات پر مفت مشورہ

لیگل ایڈ سوسائٹی (ایل اے ایس) مفت قانونی مشورے فراہم کرتی ہے ۔ یہ اُن لوگوں کیلیے ہے جو قانونی چارہ جوئی کی استطاعت نہیں رکھتے۔

حادثات اور ہنگامی امداد

ایدھی فاؤنڈیشن ضرورت کے وقت مختلف خدمات فراہم کرتی ہے۔ جیسے کہ

• حادثے کا شکار مریضوں کیلیے ہنگامی مدد
• آتشزدگی اور قدرتی آفات میں ہنگامی مدد
• مہاجرین کیلیے ہنگامی مدد
• نشے کے عادی افراد کی بحالی کیلیے اقدامات
• گمشدہ افراد کی تلاش
• ضرورت مند جوڑوں کی شادی میں مدد
• ضرورت مندوں کیلیے کھانا، کپڑے اور کمبل
• حاملہ خواتین کی مدد اور خاندان کیلیے مشورے
• ضرورت مندوں کیلیے خون کے عطیات
• ذہنی امراض میں مبتلا افراد کیلیے رہائش اور کھانا
• بے گھر اور یتیم بچوں کیلیے کھانا اور رہائش کا انتظام

فاؤنڈیشن کی ملک بھر میں تمام خدمات بلامعاوضہ ہیں۔

بچوں کی مدد

چائلڈ پروٹیکشن اینڈ ویلفیئر بیورو پنجاب میں بچوں کو رہائش، کھانا اور تعلیم فراہم کرتا ہے۔
بچوں کیلیے تعلیم کا حصول اور تربیتی کورسز بھی کرائے جاتے ہیں۔ اس کے علاوہ ادارے کی جانب سے یوتھ کورٹ بھی قائم کی گئی ہیں، جو حوالگی، سرپرستی اور والدین اور بچوں کے ملاپ کے حوالے سے فیصلے کرتی ہیں۔ چائلڈ پروٹیکشن بیورو نے ضرورت مند بچوں کیلیے ہیلپ لائن بھی قائم کر رکھی ہے۔

یہ تمام خدمات بلامعاوضہ فراہم کی جاتی ہیں۔

ضرورت مند بچوں، خواتین اور بزرگ شہریوں کی مدد

چھیپا ویلفیئر ایسوسی ایشن کی خدمات ہیں:

• پاکستان بھر کے چھیپا مراکز میں کھانے
• آفات اور حادثات سے متاثرہ افراد کی مدد
• راشن کی خریداری کیلیے مالی مدد
• یتیم بچوں، بے سہارا خواتین اور بزرگ شہریوں کو سائبان کی فراہمی
• یتیم اور بے گھر بچوں کا خیال رکھنا

ملک بھر میں یہ تمام خدمات بلامعاوضہ ادا کی جاتی ہیں

تیزاب گردی سے متاثرہ افراد کی مدد

ایسیڈ سروائیور فاؤنڈیشن تیزاب گردی کا شکار افراد کو مدد فراہم کرتا ہے ۔ ادارہ اس بات کو یقینی بنانے کی کوشش کرتا ہے کہ متاثرہ افراد خود مختار زندگی بسر کرسکیں۔
ادارہ کی خدمات میں شامل ہے:

• بحالی کے پروگراموں میں شامل کرانا
• قانونی مدد

یہ تمام خدمات ملک بھر میں مفت فراہم کی جاتی ہیں۔

ذہنی بیماریوں اور منشیات کے عادی افراد کی پیشہ وارانہ رہنمائی

وِلنگ ویز ذہنی امراض میں مبتلا اور منشیات کے عادی افراد کیلیے مشاورتی مراکز اور بحالی کلینک چلاتی ہے۔
یہ مراکز اسلام آباد، لاہور اور کراچی میں ہیں۔

مفت صحت بیمہ/انشورنس

آپ بیمار ہیں اور علاج کیلیے پیسے نہیں ہیں؟ حکومت کا صحت سہولت پروگرام بنیادی صحت بیمہ فراہم کرتا ہے جو کہ بالکل مفت ہے۔

ہنگامی حالات اور حادثات میں مدد کرنا

ریسکیو 1122 ہنگامی حالات جیسے کہ آتشزدگی اور حادثات میں مدد فراہم کرتا ہے۔ یہ آفات کو روکنے اور امدادی خدمات کو بہتر کرنے کیلیے پرعزم ہے۔ یہ رضاکاروں اور سماجی حلقوں کی تربیت کرتا اور انہیں منظم کرتا ہے۔

پنجاب میں ضرروت مندوں کی مدد کرنا

پنجاب سوشل پروٹیکشن اتھارٹی ریاست میں ہر شہری کے ذریعہ معاش کو یقینی بنانے کیلیے پرعزم ہے۔ یہ ہنگامی صورتحال میں لوگوں کی مدد کرنے کیلیے امدادی منصوبوں کا استعمال کرتی ہے۔