Skip to main content
مینیو

روایتی دستکاری کے ذریعے مستقبل کی تعمیر

اس لنک سے ایک یوٹیوب ویڈیو کھل جائے گی۔یہ بات ملحوظ خاطر رکھیں کہ اس ویب سائٹ پر آپ کی معلومات کے تحفظ کے قوانین کا اطلاق ہوتا ہے۔

تصدیق کریں

روایتی دستکاری کے ذریعے مستقبل کی تعمیر

میرا نام فلوتورا ہے۔ میں 33 سال کی ہوں اور البانیہ سے آئی ہوں۔ میں نے یونیورسٹی آف ترانا سے تاریخ اور فلسفے میں گریجویشن کیا لیکن کوئی موزوں نوکری نہ حاصل کرسکی۔ میں اور میرے خاوند حال ہی میں رشتہ ازدواج میں منسلک ہوئے۔ ہمیں لگتا تھا کہ سویڈن ہمارے مستقبل کیلیے بہترین جگہ ہوگی تو ہم نے 2 بیگ تیار کیے اور وہاں چلے گئے۔

میں نے کچھ وقت کیلیے سویڈن میں ایک ہندوستانی ریستوران میں کام کیا۔ مجھے یہ جگہ پسند تھی۔ اُس کی سجاوٹ زیادہ تر ہاتھ سے تیار کردہ تھی،میزپوش سے لیکر پردوں تک۔ ریستوران کے مالک اپنے ملک کی دستکاری اپنے ساتھ سویڈن لے آئے تھے۔ میں بھی یہی کرنا چاہتی تھی، دنیا کو دکھانا چاہتی تھی کہ البانیہ کے پاس کیا ہے۔ میں نے دستکاری کے حوالے سے اپنے شوق کو خود میں محسوس کیا۔

فلوتورا جی آئی زیڈ کی جانب سے منعقد کردہ مشاورت میں۔

بدقسمتی سے ہمیں سویڈن میں رہائشی اجازت نامہ نہ مل سکا، تو ہم البانیہ واپس لوٹ آئے۔ ہمیں دوبارہ صفر سے شروعات کرنا تھی۔ لیکن یہ اچھے کیلیے ہی ہوا کیونکہ میرا بچہ اس دنیا میں آیا۔ میں اپنی بیٹی کیلیے ہر چیز پر دستکاری خود کرنا چاہتی تھی۔ میرا شوق مزید پروان چڑھتا گیا۔

کاروبار کی شروعات کیلیے اچھی طرح تیار

اسی دوران میں نے
Deutsche Gesellschaft für Internationale Zusammenarbeit (GIZ) GmbH
کی جانب سے فراہم کیے جانے والے تربیتی پروگراموں کے بارے میں جانا۔ جی آئی زیڈ نے میری دلچسپی کو میرے پیشے میں بدلنے میں میری مدد کی۔ میں نے کاروبار شروع کرنے کیلیے درکار تمام چیزیں سیکھیں جیسے کہ اپنی مصنوعات کی مشہوری اور مالی منصوبہ بندی۔ سامان کی خریداری میں بھی میری مدد کی گئی جیسے کہ دھاگے، کڑھائی کرنے والا گول فریم اور سادہ کپڑا۔ میں صارفین کی مرضی کے مطابق منصوعات تیار کرتی ہوں۔

فلوتورا خوشی سے اپنا کشیدہ کاری کا کام دکھا رہی ہیں.

کورونا کی وبا ایک بڑا دھچکا تھی حالانکہ میں ماسک پر کشیدہ کاری کرسکتی تھی۔ خوش قسمتی سے مجھے جی آئی زیڈ سے مجھے مزید مدد مل گئی،نفسیاتی بھی۔ تو مجھے اب بھی اپنے کاروباری منصوبے پر پختہ یقین ہے۔۔ میں ابھی تو اپنے سفر کے آغاز پر ہوں اور مجھے ابھی بہت آگے جانا ہے۔
 
یہاں مدد اور مشاورت کے لیے بیان کردہ مواقع"نئے مواقعوں کی جانب واپسی"منصوبے کا حصہ ہیں۔

مزید جانیں >
ابھی تو میں اپنے سفر کے آغاز پر ہواور مجھے ابھی بہت آگے جانا ہے۔
فلوتورا

ملکوں کے تجربات