ہم پہلے سے بھی مضبوط نیٹ ورک بنا رہے ہیں

اسٹارٹ ہوپ ایٹ ہوم جرمنی میں موجود مہاجرین اور تارکین وطن کی اُن کے آبائی ممالک میں کاروبار شروع کرنے میں مدد کرتا ہے۔خواہشمند افرادکورونا کی وبائی صورتحال میں بھی مدد لے سکتے ہیں۔ باواریا اور نورڈرائن ویسٹ فالن میں کوچزکیتھرین کیلین اور زیاد الصباح بتاتے ہیں کہ یہ سب کیسے کام کرتا ہے۔ اسٹارٹ ہوپ ایٹ ہومزپروگرام سوشل امپکٹ کی جانب سے چلایا جارہا ہے،جو کہ سماجی تبدیلی کی ایجنسی ہے۔یہ پریسپیکٹیو ہیمت کے شرکت داروں میں سے ایک ہے۔

کورونا وبا کے دوران آپ کے کام میں کیا تبدیلی آئی؟

کیتھرین کیلین(کے کے):ہم اس وقت آن لائن اور ٹیلی فون پر مشاورت اور تربیتی سیشنز فراہم کررہے ہیں۔ماضی میں شرکا ہفتے میں ایک دن سوشل امپیکٹ کی لیب میں انفرادی اور اجتماعی تربیتی پروگرام میں حصہ لیتے تھے۔

رابطوں کے نئے طریقوں میں کن چیلنجرز کا سامنا کرنا پڑا؟

کے کے:شرکا جہاں رہتے ہیں وہاں اکثر وائی فائی (وائرلیس انٹرنیٹ) نہیں ہوتاتو ایسے میں صرف ٹیلی فون پر ہی سکھانا ممکن ہوتا ہے،جو کہ ہمارے کام کو مشکل اور طویل بنادیتا ہے۔ فون پر حساب کتاب کی مثال دے کر سمجھانا مشکل ہوتا ہے۔لہذا ایسے میں اہم ادھار انٹرنیٹ یا پھر ہاٹ اسپاٹ کے ذریعے انٹرنیٹ استعمال کرتے ہیں۔

شرکا کیلیےڈیجیٹل مہارتوں کو بہترین بنانا کتنا اہم ہے؟

کے کے:ہمیں حالات کے مطابق ڈھلنا ہوتا ہے،کیونکہ شرکا کے درمیان بہت زیادہ فرق ہوسکتا ہے۔کئی کی کمپیوٹر تک رسائی نہیں ہوتی۔اس کے ساتھ ساتھ حال ہی میں ہم نے ایک عراقی کو سکھانے کیلیے ویڈیو کانفرنس کا استعمال کیا۔اُس کے پاس کمپیوٹر اور ای میل ایڈریس تھا، جس کا مطلب کہ وہ آئن لائن ٹولز کو ڈاؤن لوڈ کرسکتا تھا۔ہم اپنی اسکرین اس کے ساتھ بانٹنے کے قابل ہوئے اور ہم نے اُس کی موبائل مرمت کی دکان پر مل کر کام کیا،جو کہ وہ عراق میں کھولنے کا خواہشمند تھا۔

زیاد الصباح(زیڈ ای):میں ہر کسی کے انفرادی حالات پر غور کرتا ہوں۔ ہمارے پاس کتنا وقت ہے اور وہ چیزوں کو کتنا قبول کرتا ہے؟ بعض اوقات میں صرف بنیادی رابطوں کا بتاتا ہوں،مثال کے طور پر اُس کے ملک میں قائم مشاورتی مرکز میں کام کرنے والا ماہر۔شرکا کیلیے یہ جاننا اہم ہے کہ لوگ اُن کا انتظار کررہے ہیں،جو اُن کی مدد جاری رکھیں گے۔

معنی خیز تعاون کیلیے اعتماد بنیادی جز ہوتا ہے،آپ بالمشافہ ملاقات یا رابطے کے بغیر یہ کس طرح قائم کرتے ہیں؟

کے کے:یقینی طور پر آپ آمنے سامنے بیٹھ کر بہترطریقے سے بات کرسکتے ہیں۔ تو کورونا وبا کے دوران بذریعہ فون اور اسکرین کسی کو جاننے میں زیادہ وقت لگتا ہے۔

زیڈای:ہر کسی کو اپنی سوچ کو تبدیل کرنا ہوگا،ہمیں اُن کے ساتھ اعتماد کی فضا قائم کرنے کیلیے ایک ہفتے کے اندر زیادہ سے زیادہ بات کرنی ہے اور رابطے کرنا ہیں۔ یہ تبدیلی اُن کیلیے زیادہ آسان رہی جن کو ہم کورونا سے پہلے ذاتی طور پر جانتے تھے۔