Skip to main content
مینیو

ایئرپورٹ پر پہنچتے ہی مدد ملنا شروع

Ein Mann mit einer Sonnebrille sitzt an einen Schreibtisch und hat einen Laptop vor sich.
حامد،ایوارڈ میں منصوبے کے منتظم

ایوارڈ کا ادارہ خاص طور پر  واپس لوٹنے والے نوجوانوں اور خواتین کو افغانستان میں دوبارہ زندگی شروع کرنے میں مدد فراہم کرتا ہے۔یہ جرمنی کے وفاقی وزارت برائے اقتصادی تعاون اور ترقی کے منصوبے "نئے مواقعوں کی جانب واپسی" میں شراکت دار ہے۔یہ ڈوئچے گیسل شافٹ فار انٹرنیشنل زوسامینربیٹ (جی آئی زیڈ) جی ایم بی ایچ کیساتھ مل کر کام کرتا ہے جو کہ اس منصوبے پر عمل کراتے ہیں۔ منصوبے کے منتظم حامد نے"افغان ویمن ایسوسی ایشن فار ری ہیبیلیشن اینڈ ڈیولپمنٹ" کے مقصد اور خدمات کے بارے میں گفتگو کی ہے۔

ایوارڈ کے کام کا دائرہ کار کیا ہے؟

ہم نے اپنے کام کا آغاز سنہ 1995 میں کیا۔افغان خانہ جنگی کے دوران ہم مزار شریف میں قائم مہاجرین کے کیمپ میں انسانی خدمات فراہم کرتے تھے۔ہم کھانا پہنچاتے اور خواتین کیلیے تربیتی کورسز کا انعقاد کرتے۔ خواتین کی مدد اب بھی ہماری ترجیح ہے کیونکہ اپنی آبادی کی نصف تعداد کو نظرانداز کرنا کسی طرح بھی درست نہیں ہے۔ افغانستان میں اب بھی خواتین کو  سنجیدگی سے نہیں لیا جاتا اور اُن کیلیے آواز نہیں اٹھائی جاتی۔ تو ہم نے ہر سطح پر اپنے کام میں خواتین کو شامل کیا ہے۔ ہمارا ادارہ وہ ماحول فراہم کرتا ہے جہاں خواتین خود کو آزاد محسوس کرسکیں اور کوئی اُن کے سننے والا ہو۔

Eine Frau steht an einer Tafel und erklärt etwas. Vor ihr stehen vier junge Männer. Vor ihnen auf dem Tisch liegen Stoffe.
ایوارڈ کے استاد شرکا کے ساتھ درزی کے تربیتی کورس میں شریک ہیں

اس میں تربیت اور نوکری کس طرح کردار ادا کرتی ہے؟

ہم سمجھتے ہیں کہ مالی استحکام اور معاشی آزادی اہم پہلو ہیں۔ اسی لیے ایوارڈ خواتین اور مردوں کیلیے نظریاتی اور عملی تربیتی کورسز پیش کرتا ہے۔یہ کورس اُنہیں اس قابل بناتے ہیں کہ وہ ملک کی تعمیر نو میں اپنا کردار ادا کرسکیں۔ہماراپروگرام صحت،تعلیم،نوکری، مستقبل اور زرعی پیداوار کے شعبوں میں کام کرتا ہے۔ اس میں ڈوئچے گیسل شافٹ فار انٹرنیشنل زوسامینربیٹ (جی آئی زیڈ)اور دیگر عالمی اداروں کا تعاون شامل ہے۔ ہم تمام افغان شہریوں کو کام کے قابل بنانا چاہتے ہیں اور اس میں ہم اُن کی صنف یا علاقے کی مناسبت سے کوئی تفریق نہیں کرتے۔

آپ جرمنی سے لوٹنے والوں سے رابطہ کیسے کرتے ہیں اور اُنہیں کیا خاص پیشکش کرتے ہیں؟

ہماری خدمات بنیادی طور پر جرمنی سے لوٹنے والے شہریوں کیلیے ہیں۔ ہم اُن سے ایئرپورٹ پر ملاقات کرتے ہیں اور ابتدائی کچھ روز کیلیے رہائش کا بندوبست کرتے ہیں۔ ہم اُنہیں بنیادی اشیا فراہم کرتے ہیں اور شروعات کیلیے کچھ رقم فراہم کرتے ہیں جس سے وہ کرایہ یا گھر کی تزین و آرائش کرسکیں۔چند ماہ کے اندر ہم 144 واپس لوٹنے والوں کی مدد کرنے کے قابل ہوئے جس میں زیادہ تر نوجوان تھے اوراُن کی عمریں18 سے 26 برس کے درمیان تھیں۔ ہماری دیگر خدمات یورپ کے دیگر ممالک سے لوٹنے والوں کیلیے ہیں۔ ہم پاکستان اور ایران سے واپس لوٹنے والوں،داخلی طور پر نقل مکانی کرنے والوں، اس کے ساتھ ساتھ بیواؤں اور اُن خاندانوں کیلیے، جنہوں نے اپنے پیاروں کو اس جنگ میں کھویا ہے،مدد فراہم کرتے ہیں۔

Fünf junge Männer beugen sich über einen Tisch mit technischen Bauteilen.
افغان نوجوان ایوارڈ کے تکنیکی تربیتی کورس میں شریک ہیں

آپ جرمنی اور یورپ سے واپس آنے والوں کو کس قسم کے نوکری کے مواقعوں کی پیشکش کرتے ہیں؟

ہم کام میں مدد کے حوالے سے متعدد خدمات فراہم کرتے ہیں اور لوگوں کی مدد کرتے ہیں تاکہ وہ اپنی مدد خود کرسکیں۔ مثال کے طور پر ہم واپس لوٹنے والوں کو 40دن کیلیے نوکری پر رکھتے ہیں جو کہ "کیش فار ورک"(رقم کام کیلیے) منصوبے کا حصہ ہے اور انہیں ہر دن کے اختتام پر ادائیگی کی جاتی ہے۔اس میں ہمیں کابل کی شہری حکومت کی مدد حاصل ہے۔ شہری حکومت واپس لوٹنے والوں کو مالی،تعمیراتی مزدور یا اسکولوں،پارکس اور یتیم خانوں میں صفائی کے کام پر رکھتی ہے۔ اس کے ساتھ حکومت بک کیپنگ(کھاتے مرتب کرنا) کی تربیت بھی فراہم کرتی ہے۔

آپ کن شعبوں میں تربیت فراہم کرتے ہیں؟

ہم موبائل فون کی مرمت، پائپ کی تنصیب، درزی اور ڈیزائننگ کی تربیت فراہم کرتے ہیں۔ ہم افغان کمپنیز کے تعاون کے ساتھ یہ کرتے ہیں۔ مثال کے طور پر  ہم پانی کے پائپ بنانے والی بڑی کمپنیز کے ساتھ اشتراک کرتے ہیں۔ ہم اُن افرادکی تربیت کرتے ہیں جو پائپ لگانے میں دلچسپی رکھتے ہوں اور 6 ماہ کی تربیت کے بعد ہم اُن کا رابطہ کمپنی سے کرادیتے ہیں۔ اس سے انُہیں ملازمت کی پیشکش کا ایک اچھا موقع ملتا ہے ۔ ہم تربیت کے بعد کچھ مخصوص وقت کیلیے اُنہیں اوزار بھی فراہم کرتے ہیں۔اس کا مقصد یہ ہوتا ہے کہ مزدوروں کو اوزار کی خریداری کیلیے قرض لینے کی کوئی ضرورت نہیں ہے۔

کیا آپ کاروبار کی شروعات کیلیے بھی مشاورت فراہم کرتے ہیں؟

جی۔ یہ تربیتی کورسز عالمی محنت کش تنظیموں کے رہنما اُصولوں کے عین مطابق فراہم کی جاتی ہیں۔ ایک بار شرکا نے مل کر ایک کاروباری منصوبہ ترتیب دیا اور اپنی تربیت مکمل کی، ہم نے اُنہیں شروعات کیلیے مدد کی تاکہ وہ اپنے منصوبے کو عملی جامہ پہنا سکیں۔ ہم نے ابھرتے ہوئے نئےکاروباری افراد کو مختلف شعبوں جیسے کہ مویشی پالنا،آن لائن مارکیٹنگ(اشتہارات) یا غیرملکی زبان کی تدریس میں امداد دی۔ہمارے تجربے نے ہمیں سکھایا کہ افغانستان کے پاس مختلف شعبوں میں بہت قابلیت ہے۔

تاوقتیکہ 2021.04

ہم تمام افغان شہریوں کو کام کے قابل بنانا چاہتے ہیں اور اس میں صنف اور علاقوں کی مناسبت سے کوئی تفریق نہیں کی جاتی۔
حامد