Unë quhem Said dhe jam rritur në krahinën Fès në Marok. Atje mësova dhe profesionin e rrobaqepësit. Duke qenë se mendoja që në një vend tjetër do të kisha shanse më të mira, në vitin 2015 shkova fillimisht në Turqi dhe pastaj në Greqi. Pastaj erdha në Gjermani. Atëherë isha 30 vjeç dhe shpresoja që në Gjermani të gjeja mundësi profesionale.

Në të vërtetë atje munda t’i zgjeroj dijet e mia profesionale në një shkollë profesionale. Por pas gati dy vitesh më skadoi leja e qëndrimit në Gjermani. Në vitin 2017 duhej të kthehesha në Marok. Në fillim ishte e vështirë, por pastaj mësova për ekzistencën e “Qendrës Informative Gjermano-Marokene për Migracion dhe Integrim Profesional” (Marokkanisch-Deutsches Informationszentrum für die Migration und berufliche Eingliederung, shkurt EIMA) në Casablanca. Miqtë dhe të afërmit më ndihmuan të guxoj përsëri dhe ma përforcuan mendimin për të kërkuar këshillim në këtë qendër.