نیغات عەزیز ڕاوێژکارێکە لە ناوەندی پاکستانی ئەڵمانی بۆ ئاسانکاریی و ئاوێتەکردنەوە (PGFRC) و کەسی بەرپرسە بۆ ژنان و خەڵکانی بە پێویستی. بەیەکەوە لەگەڵ ڕێکخراوە هاوبەشەکانی ناوەندەکە، ئەو داواکارییە تایبەتەکانیان دەخاتەڕوو.

ئەو ژنەی کە بەو نزیکانە پرسیاری کرد لە نیغات عەزیز بۆ هاریکاری، لەگەڵ خێزانەکەی لە دەرەوە ژیابوون بۆ ماوەی زیاتر لە ٢٠ ساڵ. "بەڵام بەهۆی پەتای کۆرۆناوە، مێردەکە کارەکەی لەدەست دا و خێزانەکە لەناکاو هەژار کەوتن." لەگەڵ سێ منداڵەکانی، ژنەکە گەڕایەوە پاکستان و ڕۆیشت بۆلای (PGFRC). نیغات عەزیز، کە سەرنجی لەسەر ڕاوێژدانە بە ژنان و خەڵکانی بە پێویستی، پاڵپشتی ئەوی کرد بۆ ئاوێتەوەبوونەوە لە پاکستان. ئەو پێشنیاری ئەو گەڕاوەی کرد بۆ ڕێکخراوەکان کە، سەرەڕای شتەکانی دیکە، پاڵپشتی دەروونی کۆمەڵایەتیان بۆ ئەو دابین کرد. لە (PGFRC)، ژنەکە فێربوو کەچۆن سی ڤی بنووسێت و شارەزابێت لە چاوپێکەوتنی کاردا. لەڕێی دەزگای هاشوو، ئەو بەشداری خولێکی مەشق دەکات لەسەر چۆنیەتی دەستپێکردنی بازرگانییەک.

سەربەخۆبوون وەک ئاڵنگارییەکی گەورە
 
"خوێندن و مەشقکردن هەردووک گرنگن بۆ ئاوێتەبوونەوە بۆناو کۆمەڵگای پاکستانی دوای گەڕانەوە بۆ وڵات،" عەزیز وای وت. بەرلەوەی ببێتە ڕاوێژکار لە (PGFRC)، ئەو کاری دەکرد لە پەرەپێدانی سەرچاوە مرۆییەکان و ڕاوێژکاریی پیشەیی بۆ نزیکەی ١٥ ساڵ. هەروەها ئەو پێشنیاری کۆمەڵە یاسای کردووە دژی گێچەڵی سێکسی لە نەخۆشخانەیەکی گەورە لە ئیسلامئاباد و زیاتر لە ٣،٠٠٠ لە کارمەندەکانی مەشق پێکردووە لەسەر ئەو بابەتە. ئەو دەزانێت کە ئەمە ئاڵنگارییەکی گەورەیە بۆ ژنان لە پاکستان کە لە ڕووی کۆمەڵایەتی و ئابووریەوە سەربەخۆبن.
 
لە ئەزموونی عەزیزەوە، ژنە گەڕاوەکان پێویستییەکی تایبەتیان هەیە بۆ پاڵپشتی، بەتایبەتی لە بواری تەندرووستی دەروونی. بەبڕوای ڕاوێژکارەکە، ژنەکان پێویستە سەرەتا ئەزموونەکانیان پەسەند بکەن. زۆرێک لەوان ئاستەنگیان هەبوو لە جێگیربوون لە ئەڵمانیا یان وڵاتێکی دیکە کە کۆچیان بۆ کردبوو. ئەم هەستە دەکرێ ئەوەندە کاریگەربێت کە ژنەکان بڕیاری توند بدەن: "لە یەکێک لە کەیسەکاندا، ژنێک داوای پەنابەری کرد لە ئەڵمانیا بۆ دەربازبوون لە توندووتیژی خێزانی لە پاکستان. بەڵام ئەو ژیانکردنی لەوێ ئەوەندە بەلاوە سەخت بوو کە لە کۆتاییدا گەڕایەوە بۆلای مێردەکەی لە پاکستان."