پاکستانی جرمن فیسیلیٹیشن اینڈ ری اینٹی گریشن سینٹر(پی جی ایف آر سی) کا آغاز ستمبر 2020 میں ہوا اور اِنہوں نے کورونا کی وبا کے دوران اپنے کام کی شروعات کی۔اس بحران کے دوران بھی ادارے کے افراد نئی شروعات کیلیے لوگوں کی مدد کرتے رہے۔ہم نے مشیر نگہت عزیز اور فیصل شبیر سے سوال جواب پوچھے، جنہوں نے ہمیں بتایا کہ کام کس طرح ہوتا ہے۔

عزیز صاحبہ اور شبیر صاحب،آپ پی جی ایف آر سی کے کام کو کس طرح بیان کریں گے؟

شبیر:جب لوگ بیرون ملک سے واپس لوٹتے ہیں تو ہم معاشرے سے جڑنے اور نوکری کی تلاش میں اُن کی مدد کرتے ہیں۔ہماری مدد کئی قسم کی ہے کیونکہ ہم اور ہمارے شرکت دارتربیت،مزید تعلیم،نوکری کے حصول اور نفسیاتی مدد فراہم کرتے ہیں۔ ہم نئے کاروبار کی شروعات کیلیے بھی مدد فراہم کرتے ہیں۔پی جی ایف آر سی "ریٹرننگ ٹو نیو اپورچیونیٹیز"(نئے مواقعوں کی جانب واپسی) منصوبے کا حصہ ہے، جس کو ڈوئچے گیسل شافٹ فار انٹرنیشنل زوسمیناربیٹ(جی آئی زیڈ) جرمنی کی وفاقی وزارت برائے اقتصادی تعاون اور ترقی کی جانب سے چلاتا ہے۔

پی جی ایف آر سی میں مشاورت کیلیے کون آسکتا ہے؟

عزیز:ہم صرف جرمنی اور دیگر ممالک سے پاکستان لوٹنے والوں کو مشورے نہیں دیتے بلکہ ہم مقامی آبادی کی بھی مدد کرتے ہیں۔اس میں وہ بھی شامل ہیں جو پاکستان میں داخلی طور پر پناہ گزین ہوں۔ مشاورت فراہم کرتے وقت ہمیں مرکز کے وسیع نیٹ ورک کا بھی فائدہ ہوتا ہے،جس میں قومی، بین الاقوامی اور سماجی ادارے شامل ہیں۔

مشاورت کا یہ عمل کس طرح کام کرتا ہے؟

شبیر:میں اس کو مثال کے ذریعے بیان کرسکتاہوں۔حال ہی میں ہم نے ایک نوجوان کو مشاورت فراہم کی جو جرمنی میں5سال گزارنے کے بعد2019کے اختتام پر پاکستان واپس لوٹے تھے۔آغاز میں اُنہوں نے جرمنی میں  واپسی کےمشاورتی مرکزسے رابطہ کیااور وہاں ری اینٹی گریشن (معاشرے سے جوڑنے والے)رضاکارسےملے۔اُس رضاکار نے ہمیں اس حوالے سے مطلع کیا۔واپس لوٹنے والے اپنا ذاتی کاروبار شروع کرنا چاہتے تھے۔تو ہم نےتمام مناسب مواقعوں کے حوالے سے معلومات تیار کیں اور رضاکار نے آن لائن میٹنگ کا اہتمام کیا جس سے ہم ایک دوسرے کو سمجھ سکے۔