دۆزینەوەی زانیاریی پشتڕاستکراوە

دوای گەڕانەوە بۆ عێراق، دەستم کرد بە گەڕان بەدوای دەرفەتەکاندا بۆ کارکردن لە ئەڵمانیا. هەرچەندە دۆزینەوەی زانیاریی لە ئینتەرنێتدا ئاسان بوو، بەڵام زانینی ئەوەی بڕوا بەچی بکەم زۆر سەخت بوو. لەکاتی گەڕان بەدوای باشترین بژاردە بۆ من، بژاردەیەک کە بەباشترین شێوە یەکبگرێتەوە لەگەڵ بڕوانامەکانم وچۆنیەتی دۆزینەوەی ڕێچکە جیاوازەکان بۆ ئەڵمانیا دووچاری گرفت دەبوومەوە.

لەکاتی گەڕان لەسەر ئینتەرنێت، GMACم دۆزیەوە لە بەغدا. لەوێ دانیشتنێکی ڕاوێژکاری ئۆنلاینم ڕێکخست. لە دانیشتنەکەدا بۆم دەرکەوت کە چ پیشەیەک خواستی لەسەرە، هەروەها چۆن زانیاریی پشتڕاستکراوە بدۆزمەوە لەبارەی ڕێگاکانی کۆچکردن بۆ ئەڵمانیا.

هەروەها ڕاوێژکارەکەم پێشنیاری پڕۆگرامی دۆزینەوەی پیشەی بۆ کردم کە لەلایەن ئیماجن فاوندەیشنەوە پاڵپشتی دەکرێت. ئیماجن فاوندەیشن ڕێکخراوێکی کۆمەڵگەی مەدەنییە پاڵپشتی گەنجانی وەک من دەکات بۆ ئامەدەکاریی بۆ ژیان و خوێندن و کارکردن لە ئەوروپا. ئەوان یارمەتییان دام لە تێگەیشتنی ئەوەی خاوەنکارەکانی ئەڵمانیا چ پێشبینییەکەیان هەیە لە کارخوازان. چۆنیەتی ئامادەکاریی بۆ چاوپێکەوتن و چۆنیەتی نووسینی سیڤییەکی باش. ئەمە بڕوابەخۆبوونێکی زیاتری پێبەخشیم بۆ هەنگاوەکانی دواتر.

گۆڕینی پلانەکان بۆ کردار

بەیەکەوە، من و ڕاوێژکارەکەم باشترین ڕێگامان دیاری کرد کە لەگەڵ بڕوانامەکانمدا دەگونجێت. بە پاڵپشتی سەنتەرەکە، ئامادەکاریم کرد بۆ داواکردنی کارتی دەرفەتەکانی ئەڵمانیا (Chancenkarte). ئەم کارتە ڕێگە دەدا بە پەشەوەرە بڕوانامەدارەکان بۆ گەشتکردن بۆ ئەڵمانیا بۆ گەڕان بەدوای کاردا و لەهەمان کاتیشدا کارکردنی نیو-دەم.

داواکارییەکەم بۆ کارتی دەرفەتەکان پەسەندکرا، و لە ئێستادا من ئامادەکاری دەکەم بۆ ڕۆیشتن بەرەو ئەڵمانیا. کە جاران پڕۆسەی وەرگرتنەکە هەستت دەکرد ئاڵۆزە، ئێستا من دەزانم چ بەڵگەنامەیەکم پێویستە و لەکوێ پێشکەشکردن بکەم و چاوەڕوانی چی بکەم.

بەپێی دۆخی ئەیلوولی ٢٠٢٦