بازبدە بۆ ناوەڕۆکی سەرەکی
لیستە

قۆزتنەوەی ئەو دەرفەتانەی کە براکەم نەیبوون

Ein junger Mann und eine junge Frau sitzen sich an einem Tisch gegenüber und sprechen miteinander.
عەبدوڵایێ لە دانیشتنێکی ڕاوێژکاری لە (CSAEM).

قۆزتنەوەی ئەو دەرفەتانەی کە براکەم نەیبوون

من ناوم عەبدوڵایە. ٢٧ ساڵم و خەڵکی ڤێلینگارام، کە شارۆچکەیەکە لە باشووری سەنیگال. بەم نزیکانە بڕوانامەی دەرچوونم لە قوتابخانە وەرگرت. ڤێلینگارا زانکۆی نەبوو، بۆیە بەشداریم کرد لە خولێکی سەرهێڵ لە یاسادا کە وەرزی داهاتوو دەستپێدەکات.

ساڵی پار، دەستەی گەنجان لە شارۆچکەکەم ئاگادارییان کردم کە ناوەندی سەنیگالی-ئەڵمانی بۆ کار، کۆچ و ئاوێتەکردنەوە (CSAEM) خولێکی مەشقکردن دابین دەکات لە ڤێلینگارا لەسەر بابەتی کارسازی. بەشداریم تێدا کرد، لەگەڵ ٢٠ گەنجی دیکەدا. دوای ئەوە، بەشداریم کرد لە خولێکی دیکەدا لەسەر چاپکردنی سکرین کە لەلایەن کۆمیتەی هەرێمیی گەنجانەوە ڕێکخرابوو. ئەم دوو خولە ویستی دروستکردنی شتێکی خۆمی لەلا درووست کردم. بە لۆگۆیەک دەستم پێکرد کە بیرۆکەکەی لە ناوی گروپێکی ڕاپی دڵخوازمەوە وەرگیرابوو "fuk n kuk". ئەنجامدانی ئەمە زۆر دڵخۆشی کردم. دواتر لۆگۆکەم لەسەر تیشێرت، بلوز، بیجامە و چاکەت چاپکرد.

ئامانجی دواتر: ئامێری چاپکردنی سکرینی خۆم

خەڵکی ئارەزوویان لە کارەکانم دەکرد، بۆیە لەخۆم پرسی بۆنا بازرگانییەکی لێوە درووست بکەم؟ بۆیە دەستم کرد بە چاپکردن و فرۆشتنی بڕی کەم لە جل. زۆر لە خەڵکی داواکارییان پێشکەشکرد: کوڕان، کچان، مامۆستاکانم و باوکم – ئەو یەکەم کڕیارم بوو. زۆر لە کەپڵەکان داوای تیشێرتیان دەکرد بۆ ڕۆژی ڤالانتاین و ناوی خۆیان لە پشتەوە چاپ بۆ چاپ دەکرا. من هێشتا قازانجێکی زۆر ناکەم لە تیشێرتەکان – لە ڕاستیدا بە پێچەوانەشەوەیە.

 

پێویستە کە چەند کارێکی ناپیشەیی بکەم وەک بناغەیەک بۆ دابینکردنی دارایی بۆ پڕۆژەکەم. بەداخەوە، هێشتا من ئامێرێکی تایبەت بەخۆمم نییە بۆ چاپکردن لەسەر جلەکان. پێویستە گەشت کەم بۆ کۆلدا بۆ ئەمە، کە ١٢٠ کیلۆمەتر دوورە لە ڤێلینگارا. داکوباوکم پاڵپشتمن، و ناوە ناوە هەندێک پارەم پێدەدەن. دایکم گسکی بچووک درووست دەکات، بۆیە ئەو لە ئەزموونی خۆیەوە دەزانێ کە چەند سەختە فرۆشتنی بەرهەمێک کە خۆت درووستت کردبێت.

Ein junger Mann und eine junge Frau mit farbigen T-Shirts posieren für die Kamera.
عەبدوڵایێ تیشێرت و بابەتی پۆشاکی تر کە ئەو لۆگۆیەیان لەسەر چاپ کراوە کە ئەو پەرەیپێداوە.

زۆرێک لە خەڵکی لە ڤێلینگارا بێکارن. زۆرێک لە گەنجان لە سەرەتاوە دەخوێنن، بەڵام زۆریان کۆڵدەدەن و وەک جوتیار کاردەکەن. تەنانەت براگەورەکەم ئیبراهیما پێویست بوو کە خوێندنەکەی بوەستێنێت بۆ پەیداکردنی پارە بۆ خێزانەکەمان. ئەو زۆر پاڵپشتە، چونکە ئەو دەیەوێت من دەرفەتی باشترم هەبێت لە ژیان وەک لەوەی کە ئەو هەیبوو.

خولی چڕ لەسەر دەستپێکردنی بازرگانییەک

ئارەزوو دەکەم بازرگانییەکی بچووک دەستپێبکەم و هەلی کار بڕەخسێنم بۆ خەڵکی شارۆچکەکەم. دوو لەوانە جار جار یارمەتیم دەدەن، بۆ نموونە کاتێک کە ئەو جلانەی داوایان دەکەم دەگەن. ئامانجم ئەوەیە ڕێژەی بێکاری کەم بکەمەوە لە ڤێلینگارا. هەروەها دەمەوێت براندەکەم "Laye Kanareuw" بەناوبانگ بێت. براندێکی ناوخۆیی کە لە سەنیگالەوە درووست بووە و لە دوور و نزیک دەپۆشرێت!

من ئەمڕۆ قسەم کرد لەگەڵ ڕاوێژکارەکەم لە (CSAEM) لە داکار. ئەو دەیەوێت یارمەتیم بدات ئامێری چاپکردنی سکرینی تایبەت بەخۆم بکڕم. یەکێک لە هاوبەشانی ناوەندەکە، ئاژانسی نەتەوەیی سەنیگالی بۆ دامەزراندنی گەنجان (ANPEJ)، یارمەتی دارایی وەردەگرێت لەلایەن وەزارەتی گەشەپێدانی ئەڵمانی بۆ ئەوەی خەڵکی ناوچەکە بخاتە سەرکار. داواکارییەک هەیە کە پێویستە جێبەجێی بکەم تاکو یارمەتییە داراییەکە وەربگرم: پێویستە بەشداری لە خولێکی چڕ بکەم لەبارەی دەستپێکردنی بازرگانییەک کە پێنج ڕۆژ دەخایەنێت. ناوەندەکە منیان پێشنیارکرد بۆ یەکێک لە خولەکان، و من زۆر بە پەرۆشم بۆ ئەم دەرفەتە نوێیە. ئەمە کەمێک نزیکترم دەکاتەوە لە ئامانجەکەم.

من دەمەوێت بە گەنجانی تر بڵێم، چاوەڕێ مەکە تاکو کەسێک دێت و یارمەتیت دەدات. پڕۆژەی خۆت پەرەپێبدە!

As of: 02/2021

چاوەڕێ مەکە تاکو کەسێک دێت و یارمەتیت دەدات. پڕۆژەی خۆت پەرەپێبدە!
عەبدوڵایێ

More blog posts