ئێستا من دارتاشێکم کە تەواوی خواردنگەکان ڕووپۆش دەکەم. من لە دووڕیانێکدا توانیم ئەگەرەکانی سەرکەوتوو بوون بدۆزمەوە بۆ کاری خەونەکانم.

من ناوم ئەمیرە و لە کۆسۆڤۆوە هاتووم کە لەوێ لە شاری جیلان لەگەڵ هاوسەرەکەم و کوڕە ٥ ساڵانەکەم دەژیم. کارکردن وەک دارتاش کاری خەونەکانمە. هەرگیز باوەڕم نەدەکرد ئەمە هێندە لە وڵاتی خۆم دوور دەکەومەوە. سەڕەڕای ئەوەش هەندێک یارمەتی وای کرد ئەم خەونەم بەدی بهێنم.

پێشتر هەندێک ئەزموونم هەبوو لە کارکردن لەگەڵ داردا، بەڵام بە گشتی بێکاربووم یان بۆ ماوەیەکی کەم کارم هەبووە. بەردەوام داواکردنی پارە لە خێزانەکەم کارێکی سەخت بوو بۆم. لە ٢٠١٣، بڕیارم دا بەختی خۆم تاقی بکەمەوە لە ئەڵمانیا، لەوێ هەندێکی دیکە لە ئەزموونم وەرگرت، بەڵام بۆم دەرکەوت کە من توانای کێبڕکێم نییە لەگەڵ خەڵکانی زۆر شارەزای ئەو بوارە. هەروەها توانای زمانەکەشم باش نەبوو، بۆیە دوای چەند مانگێک گەڕامەوە ئێرە و دوای ماوەیەکی کەم لەوە من و هاوسەرەکەم کوڕێکمان بوو. کەمی سەرچاوەی دارایی وای کرد زۆر بە کەمی داهات بۆ خێزانەکەم دابین بکەم، کە زۆر بیر و ئەندێشەی داگیرکردبووم. هەروەها من پارەی ئەوەم نەبوو کە ئامێر و کەلوپەلی درووستکردن بکڕم. جارێکی دیکە بیرم لە کۆچ کردن کردەوە لەگەڵ خێزانەکەم.

خاوەنکاری بۆ وەستاکانی دیکە

لە گەڕانم بۆ ڕێگەیەک بۆ دەرچوون، ئاشنا بووم بە سەنتەری زانیاری ئەڵمانی بۆ کۆچ، خولی پیشەیی و پیشەگەریی (DIMAK) لە پریستینا. ڕاوێژکارەکەم لەوێ قسەی لەگەڵ کردم دەربارەی خولیاکانم و پلانەکانم بۆ داهاتوو. ئەزموونی ئەوەم کرد کە بەڕاستی من زۆر ئارەزوو دەکەم سەربەخۆ کاربکەم. DIMAK منی پێشنیار کرد بۆ ڕێکخراوی تێرێسا مەی. لەوێ مەشقم بینی لەسەر کارکردن لەگەڵ دار و توانیم زۆر باش تواناکانم پەرە پێ بدەم. دوای ئەوەی مەشقەکەم تەواو کرد، من یارمەتییەکی داراییم وەرگرت بۆ کەلوپەلەکانی کارەکەم بە شێوەی ئامراز و ئامێر.

من بەرە بەرە کارەکەم فراوان دەکەم. لە سەرەتادا من بەزۆری ئامراز و کەلوپەلی لە دار دروستکراوی چێشتخانەم درووست دەکرد. ئێستا من کەلوپەلی تەواوی خواردنگە ڕووپۆش دەکەم و وەستای دیکەم دامەزراندووە لە دوکانەکەم. هەروەها من داشمەزراوم وەک بەڕێوەبەری بەش لە کۆگای DIY. کارەکەم مانای زۆر دەدا بۆم و من زۆر بڕوابەخۆبووم. لە داهاتوودا ئارەزوو دەکەم کار لە پڕۆژەی وەهادا بکەم کە بە ٥٠ یان ٦٠ وەستا تێیدا کار بکات.

As of: 12/2020