خواتین اس سے کیا سیکھتی ہیں؟

ہم کاروبار شروع کرنے کےحوالے سے تمام معلومات  تربیتی اداروں کے ساتھ مل کر اکھٹی کرتے ہیں،یہ ادارے بون میں  چیمبر آف انڈسٹری اور کامرس کی جانب سے چلائے جاتے ہیں۔ مارکیٹنگ کے ذریعےکاروباری خیالات کی تشکیل اور حساب کتاب کے آسان طریقوں کو آگے بڑھاتے ہیں۔

کیا کوئی خاتون اپنا کاروبار شروع کرنے میں کامیاب ہوسکی؟

جی،کورس کی سابقہ شریک نے پیرو میں ریسٹورنٹ کھولا،ایک اور نےیوگنڈا میں درزی کی دکان کھولی۔وہ اپنی خود کی چیزیں تیار کرتی ہیں اور ساتھ ساتھ دستکاری کا سامان بھی فروخت کرتی ہیں۔

آپ بطور سماجی کارکن اِن کورسز میں شامل ہوتی ہیں۔ آپ کا کردار کیا ہے؟

میں خواتین کی ہر قسم کی مشکلات کو حل کرنے میں مددکرتی ہوں،خواتین دن اور رات میں کسی بھی وقت فون پر مجھ سے رابطہ کرسکتی ہیں۔ میں کورس کے دوران اُن  خواتین کی اضافی مدد بھی کرتی ہوں جو پڑھ یا لکھ نہ سکتی ہوں۔ لیکن سب سے اہم میری جانب سے اُن کی نفسیاتی مدد ہے۔آبائی ملکوں میں زیادہ تر خواتین کے سماجی تعلقات یا رابطے ختم ہوچکےہوتے ہیں اوردیگر اپنے گھر سے بھاگ کر آئی ہوتی ہیں،زبردستی کی شادی اور دیگر مسائل کی وجہ سے۔ کچھ کے بچے جرمنی میں جنم لیتے ہیں اور وہ اپنے آبائی ملک کے حوالے سے کچھ نہیں جانتے۔

سنگل والدہ کیلیےدو ہفتے کی چھٹیاں آسان نہیں۔ آپ یہ کیسے کرتی ہیں؟

کورونا کی وبائی صورتحال سے پہلے کورسز بون کے نزدیک سنکت آگسٹن میں ہوتے تھے۔ ڈیوائن ورڈ مشنری کی جانب سے خواتین اور اُن کے بچوں کو گیسٹ ہاؤسز میں رہائش اور  دیکھ بھال فراہم کی جاتی ہے۔میں خواتین کو جمع کرتی ہوں اور اُنہیں رہائش تک لیکر آتی ہوں ۔ چائلڈ کیئر(بچوں کی دیکھ بھال)بھی کی جاتی ہے ،جس سے راہ میں حائل تمام رکاوٹیں دور ہوجاتی ہیں۔

کورونا کی وبائی صورتحال میں کورس میں کیا تبدیلی آئی؟

اس وقت یقینی طور پر ہم تقاریب(ایونٹ)منعقد نہیں کرسکتے ۔یہ بالکل بھی موزوں نہیں ہوگا کیونکہ اس کیلیے جرمنی کی مختلف ریاستوں سے خواتین کو سفر کرکے آنا پڑے گا۔تو ہم نے پہلی بار آن لائن سیمینارز کےسلسلے کا انعقاد کیا ہے۔

آپ نے اِن سیمینارز سے کیا سیکھا؟

خالص علم آن لائن بھی حاصل کیا جاسکتا ہے بالکل ایسے ہی جیسے براہ راست شرکت کرکے حاصل کیا جائے ۔ ہمیں کورس کا دورانیہ بڑھا کر تین ہفتے کرنا پڑا البتہ دن میں اسے کم کرکے تین گھنٹے کردیا گیا۔زیادہ دیر تک اسکرین پر توجہ دینا ممکن نہیں،جہاں خواتین رہائش پذیر تھیں میں نے وہاں کی سماجی کارکنان سے رابطہ کیا تاکہ وہ شرکا کی انٹرنیٹ تک رسائی میں مدد کرسکیں۔ لیکن رہائش گاہ پر سیکھنا(کورس میں شمولیت)مثالی نہیں ہے۔ جہاں وہ رہائش پذیر ہیں وہاں بہت زیادہ شور اور دباؤ ہوتا ہے۔