Skip to main content
مینیو

میں اب ایک فیشن ڈیزائنر ہوں،میں اپنا ماضی پیچھے چھوڑ رہا ہوں۔

اس لنک سے ایک یوٹیوب ویڈیو کھل جائے گی۔یہ بات ملحوظ خاطر رکھیں کہ اس ویب سائٹ پر آپ کی معلومات کے تحفظ کے قوانین کا اطلاق ہوتا ہے۔

تصدیق کریں

میں اب ایک فیشن ڈیزائنر ہوں،میں اپنا ماضی پیچھے چھوڑ رہا ہوں۔

میرا نام فرینک ہے اور میں نائیجریا سے آیا ہوں۔ اسکول مکمل کرنے کے بعد ایک شخص نے میری والدہ سے وعدہ کیا کہ وہ مجھے اور میری بہن کو یورپ لے جائے گا۔۔ وہ ہمارے ہمارے لیے کام تلاش کرے گا اور ہمارے گھر کے حالات بہتر ہوجائیں گے لیکن یورپ کیلیے ہمارا سفر لیبیا کے صحرا میں اختتام پذیر ہوا۔ ہمیں انسانی اسمگلرز کے ہاتھوں دھوکا کھانا پڑا۔

لیبیا میں ہمیں اغوا کرلیا گیااور ایک دوسرے سے الگ کردیا گیا۔ جرائم پیشہ افراد پورے6 ماہ تک میرے گھر والوں سے تاوان طلب کرتے رہے۔ ایک وقت آیا کہ مجھے رہا کردیا گیا کیونکہ میرے گھر والوں کے پاس دینے کو پیسے نہ تھے۔ میں مزید 2 سال لیبیا میں ہی مقیم رہا۔ زندگی گزارنے کیلیے میں نے تریپولی میں گاڑیاں تک دھوئیں۔ لیکن یہ وہ زندگی نہیں تھی جو میں چاہتا تھا۔ ایک دوست نے مجھے بتایا کہ نائیجرین حکومت مجھ جیسے لوگ جو واپس آنا چاہتے ہوں اُن کی مدد کرتی ہے۔ اس طرح میں نائیجریا واپس آنے کے قابل ہوا۔

فرینک کپڑوں کا ناپ لیتے ہوئے.

بہن کے ساتھ خاندانی کاروبار

دوبارہ سے شروعات آسان نہ تھی۔ میں نے جو بھی کام ملا وہ کیا تاکہ کھانا خرید سکوں۔ اسی دوران میری بہن جو نائیجریا واپس آئی تھی نے نائیجرین- جرمن سینٹر فار جابز، مائیگریشن اینڈ ری انٹی گریشن (این جی سی)  کے بارے میں بتایا۔ اُس نے یہاں سے درزی کا کورس کیا۔
 
میں اُن کے پاس مشاورت کیلیے گیا تھا۔ میری ہمیشہ سے فیشن میں دلچسپی تھی تو میں نے بھی درزی کے 12 ہفتوں کے کورس کیلیے درخواست دیدی ۔ ہم نے سیکھا کہ ناپ کیسے لیتے ہیں اور مشین کیسے چلاتے ہیں۔ کورس مکمل کرنے کے بعد میں اور میری بہن ایک ساتھ آگئے۔ ہم نے اپنا خود کا سلائی کا کام شروع کیا۔ این جی سی نے کاروبار کا اندراج کرانے میں ہماری مدد کی۔ اس کے ذریعے ہم سلائی مشینیں اور دیگر سامان کے ساتھ کرائے پر جگہ خریدنے کے قابل ہوئے۔

فرینک نے وہ پیشہ تلاش کرلیا جس میں اُنہیں خوب مزہ آتا ہے۔

میری بہن خواتین اور بچوں کے کپڑے تیار کرتی ہے اور میں مردوں کے کپڑے سلنے میں ماہر ہوں۔ اب میں ایک قابل فخر فیشن ڈیزائنر ہوں۔ لیبیا میں بِتائے وقت کی وجہ سے میں یہ جانتا ہوں کہ اپنے ملک میں زندگی سے بہتر کچھ نہیں۔ یہاں دماغی سکون ہے اور میں یہاں خود کو بناسکتا ہوں۔ میں ہر شخص کو مشورہ دوں گا کہ اگر کوئی اپنی قسمت کہیں آزمانا چاہتا ہے تو غیرقانونی سفر کا حصہ نہ بنے۔ آپ جس چیز کی تلاش میں ہیں وہ پہلے سے یہاں موجود ہے۔ ہماری نوجوان نسل نائیجریا کا مستقبل ہے۔ یہاں موجود مواقعوں کا فائدہ اٹھائیں اور ہم سب ملکر اپنے ملک کو بہتر بناسکتے ہیں۔

یہاں مدد اور مشاورت کے لیے بیان کردہ مواقع"نئے مواقعوں کی جانب واپسی"منصوبے کا حصہ ہیں۔

مزید جانیں >
آپ جس چیز کی تلاش میں ہیں وہ پہلے سے یہاں موجود ہے۔ ہماری نوجوان نسل نائیجریا کا مستقبل ہے۔
فرینک

ملکوں کے تجربات