آن لائن نئے صارفین کی تلاش

سلمیٰ 40 کی دہائی میں ہیں اور 4 بچوں کی ماں ہیں وہ اس 5 روزہ تربیت میں شرکت کے لیے 100 کلو میٹر سے زائد کا سفر طے کرکے بہاولپور سے ملتان آئی ہیں۔ انہوں نے چند سال قبل لاہور سے ڈریس میکنگ (کپڑوں کی تیاری) میں ڈپلومہ کیا تھا۔ اُس وقت سے وہ فیشن ڈیزائننگ کے شعبے میں کام کررہی ہیں: "چند سال قبل میں نے اپنی گارمنٹس (کپڑوں) کی دکان کھولی۔ میں نے کپڑوں اور ڈیزائن کی نمائش کے لیے ملک بھر میں سفر کیا۔ میں نے نئے آرڈر حاصل کرنے اور صارفین بنانے کی کوشش کی۔ میرے بچے بڑے ہورہے ہیں اور اُنہیں میرا زیادہ وقت اور توجہ چاہیے اور یہ بہت مشکل ہوتا جارہا تھا۔ میں اسلام آباد اور لاہور جیسے شہروں کی بڑی مارکیٹس میں شاذونادر ہی جاپاتی ہوں۔ یہ ایک وجہ ہے جس لیے میں تربیت حاصل کرنا چاہتی تھی۔ اس طرح میں یہ سیکھ سکتی ہوں کہ کاروبار کو کیسے وسعت دے سکتے ہیں گھر پر رہ کر بھی۔ کیونکہ اس تربیت میں، میں نے سیکھا کہ انٹرنیٹ کے ذریعے ملک بھر کے صارفین تک کیسے پہنچا جاسکتا ہے۔

یہ تربیتی کورس 5 دن پر محیط تھا اور اس کو انڈسٹری کو ماہرین کی جانب سے کرایا گیا۔ مضامین میں آن لائن اکاونٹس بنانے کا تعارف، مختلف پروگرام کا استعمال اور اسمارٹ فون کے کیمرے کے ذریعے تصاویر اور ڈیزائن کی بہتری شامل تھے۔ دیگر مضامین میں: کاروبار کے لیے فیس بک کا صفحہ کیسے بناتے ہیں؟ واٹس اپ کے ذریعے مارکیٹنگ کیسے کی جاتی ہے؟ مائیکرو فائنانس کیا ہے؟ یہ بنیادی معلومات اور مہارتیں انٹرنیٹ اور سوشل میڈیا پلیٹ فارمز کے ذریعے کاروبار کی کامیاب مارکیٹنگ کے لیے ضروری ہیں۔

سلمیٰ کا کہنا ہے کہ "اگر آپ کام کرنے کے لیے تیار ہیں تو آپ تربیتی پروگرام سے بہت فائدہ اٹھاسکتے ہیں۔

 میرا ماننا ہے کہ یہ تربیتی پروگرام صرف فائدہ مند ہی نہیں بلکہ بہت بیش قیمت بھی ہے۔ سب سے اہم بات یہ ہے کہ اگر آپ خود پر کام کرنے کے لیے تیار ہیں تو پھر آپ بہت فائدہ اٹھاسکتے ہیں۔ کاش اس طرح کے مزید پروگرام بھی ہوتے۔ اس طرح کے پروگرام ہمارے لیے بہت مفید ہیں۔ کیونکہ ہم میں سے زیادہ تر کے پاس وسائل بہت کم ہیں۔" تربیت کے علاوہ پی جی ایف آر سی شرکا کو رہائش بھی فراہم کرتا ہے جو تربیتی پروگرام میں شرکت کے لیے دور دراز علاقوں سے آتے ہیں۔

شرکا میں سے زیادہ تر نوجوان ہیں: مسمل صرف 22 سال کی ہیں اور یہ بھی بہاولپور سے ہی آئی ہیں۔ مسمل کی آنٹی نے اُنہیں راضی کیا کہ یہ تربیت اُن کے لیے بالکل صحیح ہے۔" مجھے اُس وقت پتہ چلا جب آنٹی نے واٹس ایپ پر مجھے اس کا بتایا۔ اُنہوں نے زور دیا کہ میں پروگرام میں داخلے کے لیے درخواست دوں۔"

اگرچہ کہ مسمل ابھی طالبعلم ہیں، وہ اپنی والدہ کے ہاتھ سے تیار کپڑوں اور گھر کی سجاوٹ کی اشیا کے چھوٹے سے کاروبار میں ہاتھ بٹاتی ہیں۔ مسمل کی والدہ کئی برسوں سے صارفین کو دستکاری کی خدمات فراہم کررہی ہیں جو کہ صرف زبان کی بنیاد پر اُن سے کام کراتے ہیں۔ ان میں سے زیادہ تر محلے اور ارد گرد کے جاننے والے ہیں۔ چند سال قبل مسمل نے کاروبار میں اپنی والدہ کی مدد کرنا شروع کی۔