Qendra Gjermane e Informacionit për Migrim, Aftësim Profesional dhe Karrierë (DIMAK) në Prishtinë është e hapur për të gjithë dhe ofron këshillime falas rreth:

• mundësive për punësim në Kosovë,
• mundësive për të hapur një biznes në Kosovë,
• mundësive për aftësim profesional ose trajnime në Kosovë,
• procesit të riintegrimit për njerëzit që janë kthyer në Kosovë,
• mundësive për punësim ose aftësim profesional në Gjermani

Poashtu, pranë qendrës sonë ju mund të kryeni një trajnim  dhe të mësoni se si të përpiloni aplikacione pune, dhe si të përgatiteni për intervista pune. Ky trajnim ofrohet çdo javë dhe është falas për të interesuarit.

Përveç kësaj ofrojmë edhe trajnime të ndryshme profesionale, të cilat organizohen nga partnerët tonë. Gjatë këshillimit individual në qendër, ne ju referojmë tek ofertat e përshtatshme nga të cilat mund të përfitoni. Edhe këto trajnime janë  falas për ju.

Çdo vit, DIMAK organizon panairin e punës dhe karrierës në Kosovë. Përveç kësaj, qendra ofron edhe evente informative rreth mundësive për të jetuar, studiuar dhe punuar në Gjermani.

Shërbimet tona këshilluese

Kur kosovaret dhe kosovarët kthehen nga Gjermania ose nga vendet e tjera në atdheun e tyre, ata përballen me sfida të mëdha. Këshilltaret dhe këshilltarët e  Qendrës Gjermane të Informacionit për Migracion, Aftësim Profesional dhe Karrierë (Deutsche Informationszentrum für Migration, Ausbildung und Karriere, DIMAK) në Prishtinë i shoqërojnë ata përgjatë një riintegrimi të qëndrueshëm dhe i përkrahin ta gjejnë veten përsëri në jetën e përditshme.

Aftësitë e mia i vë në punë në vendin tim

Unë quhem Amir dhe vij nga Kosova. Jetoj bashkë me gruan dhe djalin tim 5 vjeçar në Gjilan. Puna si zdrukthëtar ka qenë gjithmonë ëndrra ime. Më parë nuk e kisha menduar kurrë që do të bëja kaq përpara me këtë profesion në atdheun tim. Por me pak ndihmë arrita ta realizoja ëndrrën time.