Mësova të planifikoj në mënyrë afatgjatë dhe t’i tregtoj me sukses produktet e mia. Falë përkrahjes që kam marr, sot e shoh veten si biznesmene.
Flutura, Shqipëri
Doja të punoja përsëri në profesionin që kisha mësuar –
dhe këtë pikërisht në dyqanin tim.
Vahide, Kosovë
Unë u rekomandoj të rinjve të marrin pjesë në panairet e punësimit. Siç e tregon edhe historia ime - ato ofrojnë shumë shanse.
Matilda, Ghana
Informim dhe këshillim - për një fillim të ri në atdheun tuaj ose në rrugëtimin tuaj për të shkuar në një vend tjetër.
Ne ju informojmë lidhur me mundësitë tuaja për të emigruar në Gjermani dhe në Europë ose edhe për ato brenda rajonit tuaj - me qëllimin për të punuar atje ose për t’u kualifikuar më tej profesionalisht. Ju mund të na drejtoheni edhe nëse jeni kthyer në vendin tuaj të origjinës. Ne ju këshillojmë për shembull gjatë kërkimit të një pune ose në hapjen e një biznesi privat.
Këshillimi përmes qendrave tona është i mundur për të gjithë. Ai është falas, në mirëbesim dhe pa detyrime.
Ndodheni në Gjermani dhe po mendoni të ktheheni në vendin tuaj të origjinës? Mësoni mbi ofertat për të mbështetur kthimin tuaj në Kthimi nga Gjermania.
Faqja e internetit Kthimi nga Gjermania ofrohet nga Zyra Federale Gjermane për Migracionin dhe Refugjatët (BAMF) dhe Organizata Ndërkombëtare për Migracionin (IOM).
Nëse dëshironi t’i jepni një formë të re të ardhmes suaj.
Nëse keni nevojë për këshillim.
Startfinder ju ndihmon më tej.
Startfinder është një program i qeverisë federale gjermane. Ofertat përkrahin njerëzit për të gjetur perspektiva të reja: në vendet e tyre të origjinës ose në rrugëtimin e tyre për në Gjermani, BE ose brendapërbrenda rajonit të tyre.
... njerëzve që dëshirojnë të emigrojnë në Gjermani, në Bashkimin Europian (BE) ose brenda rajonit të tyre dhe dëshirojnë të informohen.
... njerëzve nga Gjermania ose nga vende të tjera, të cilët janë kthyer në vendin e tyre të origjinës dhe kanë nevojë për ndihmë gjatë riintegrimit.
... veçanërisht njerëzve që kanë nevojë për mbrojtje në vendet e tyre të origjinës, të cilët kërkojnë perspektiva atje.
Në këto vende ekzistojnë Qendrat për Emigracion dhe Zhvillim. Qendrat këshillojnë për tema të ndryshme, për shembull: Çfarë mundësish ka për të shkuar në mënyrë të rregullt në një vend tjetër dhe për të punuar atje. Çfarë duhet bërë për këtë dhe si mund të përgatitesh. Ose si mund të gjesh punë a të hapësh një biznes privat pas kthimit. Përveç kësaj grupet këshilluese ofrojnë informacione për ndihmën mjekësore dhe psikosociale, për përkujdesjen dhe arsimimin e fëmijëve dhe për kërkimin e banesës.
Këshillimi përmes qendrave tona është i mundur për të gjithë, nuk kushton dhe është në mirëbesim. Sipas nevojës që keni dhe kushteve këshilltaret dhe këshilltarët ju ndërmjetësojnë në një trajnim ose ju përkrahin për bërjen e kërkesave.
Deutsch
English
Français
Srpski
Српски
Shqip
Shqip (Kosovë)
کوردی
عربي
اردو
Indonesian
